Qələbə mühasibi. Ölkənin baş maliyyəçisinə çevrilən hesabdarın tarixçəsi (4-cü hissə)

Özü də bu zaman mağazalarda malların qiyməti qalxmamışdı, “kartoçka” səviyyəsində qalmışdı. Bu addım da dövlət rəhbərliyi qarşısında öz baxışlarını qoruya bilən Zveryevin xidmətidir.

Ümumiyyətlə, mağazalarda istehlak mallarının qiymətləri mütəmadi olaraq aşağı düşdüyü üçün “stalinçi qiymət endirimi” inamla “zveryevski” də adlandırıla bilərdi, çünki onun birbaşa nəzarəti altında həyata keçirilmişdi.

1947-ci ildən 1953-cü ilə qədər hər il qiymətlərin azaldılması siyasəti həyata keçirilirdi və ümumilikdə bu dövrdə ərzaq məhsulları 1,75 dəfə ucuzlaşmışdı. Əməkhaqqı isə əvvəlki səviyyədə qalmışdı, ona görə də vətəndaşların rifah vəziyyəti yüksəlirdi.

Qələbə mühasibi. Baş maliyyəçiyə çevrilən hesabdar (1-ci hissə)

Qələbə mühasibi. Baş maliyyəçiyə çevrilən hesabdar (2-ci hissə)

Qələbə mühasibi. Baş maliyyəçiyə çevrilən hesabdar (3-cü hissə)

Maliyyə sabitliyinin bərpasının nəticəsi 1950-ci ildə 0,222 qram qızılla bərabər tutulan “qızıl rubl” oldu.

Dağıdıcı müharibədən beş il belə keçməmişdi, Sovet İttifaqı isə onun nəticələrini, demək olar ki, hiss etmirdi. Əksinə, bir çox istiqamətlər üzrə müharibədən əvvəlki göstəriciləri ötüb keçmişdi.

Stalinlə birgə işlədikdən sonra Zveryev sovet dövlətinin yeni rəhbəri Nikita Xruşşovla ümumi dil tapa bilmədi və onun planlaşdırdığı pul islahatı ilə razılaşmadığından istefa verdi.

Hissiyyatı və peşəkar təcrübəsi istedadlı maliyyəçini aldatmamışdı – “xruşşovun pul islahatı” uğursuz oldu və ölkə iqtisadiyyatı üçün bu islahatın mənfi nəticələri olmuşdu.

Lakin, Arseniy Zveryevin həyat yolu uzun müddət unudulmuşdu və yalnız bu yaxınlarda, bu qeyri-adi insanın həyat və əmək bioqrafiyasının tarixi geniş şəkildə öyrənilməyə başlanıb.