Nə istədiyinizi bilmirsinizsə, peşə seçimi necə olmalıdır?
4-cü hissə
Həyatınızın illərinə və təhsilinizə minlərlə dollar investisiya qoymazdan öncə maraqlandığınız (və ya uşağınızın maraqlandığı) peşə haqqında daha çox məlumat toplamağa və ilk praktik təcrübə əldə etməyə çalışın. Əmək bazarını, maaşları, peşəyə olan öhdəlikləri və tələbləri öyrənin. 1-2-3 aylıq ödənişsiz praktika keçmək üçün işə düzəlməyə çalışın.
Övladınızla bağlı olan halda, yaxınlarınızın birindən (bu peşədən olan) onunla (uşağınızla) müəyyən zaman keçirməsini və sözügedən peşə barədə ona müəyyən şeyləri izah etməyi xahiş edin.
İnsanın güclü və zəif tərəfləri yalnız praktikda, əməli işdə özünü göstərir. Bacarıqları və istedadı üzə çıxır, vərdişləri formalaşır. İnanın, əgər bir şəxsin hansısa işdə ciddi uğurları varsa, onun qarşısına “Kim olmalı?” sual heç vaxt çıxmır.
Uşağın vəziyyətində, mümkün olan bütün yollarla ona bu təcrübəni əldə etməyə kömək edin. Pul qazanmaq, təşəbbüskarlıq, maraq, hobbi və s. üçün edilən hər hansı bir təşəbbüsü təşviq edin.
Uşağınızın neçə yaşı olması və ya onun ali məktəbə neçə ildən sonra gedəcəyi əhəmiyyət daşımır. Təhsili kredit hesabına əldə etmək – pis ideyadır. Yığım etmək, sizin seçim etmənizdən ötrü əla ideyadır! Ehtiyat məbləği toplamağa nə qədər tez başlasanız, sizdən ötrü daha çox faiz toplanar və təhsil məssisəsinin seçimi də daha geniş olar.
Peşə seçimi insan həyatındakı ən vacib seçimlərdən biridir. Ancaq bunun bütün həyat üçün bir seçim olmadığını başa düşmək lazımdır. Ona görə, özünüzü (və ya uşağınızı) bu seçimin mühümlüyü ilə bağlı yükləmək lazım deyil. Özünüzü və ya övladınızı çevik bacarıqların formalaşmasına, müstəqil iş və təşəbbüskarlıq cəhdlərinə təşviq edin. Eləcə də həddən bahalı ali məktəblərdən və kreditlə təhsil almaqdan uzaq durun. İnanın, hər şey yaxşı olacaq!
Tarix : 18.08.2020
Baxışların sayı: 22249