PAŞA Sığorta ASC namizədləri Daxili nəzarət və dələduzluq araşdırmaları üzrə aparıcı/baş mütəxəssis vəzifəsinə müraciət etməklə peşəkar komandanın üzvü olmağa dəvət edir.
Şirkətdə daxili nəzarət mexanizmlərinin effektivliyinin artırılması və dələduzluq risklərinin minimallaşdırılması məqsədilə nəzarət mexanizmlərinin qiymətləndirilməsi, araşdırmaların aparılması və struktur bölmələrə metodoloji dəstəyin göstərilməsi üzrə geniş səlahiyyət və məsuliyyətə malik olan bu vəzifə, biznes proseslərinin təhlili, nəzarət mexanizmlərinin dizaynı və tətbiqi, dələduzluq hallarının araşdırılması və şirkətin normativ uyğunluğunun təmin edilməsində mühüm rol oynayır.
Öhdəliklər
- Biznes proseslərin təhlili, qiymətləndirilməsi və mövcud nəzarət mexanizmlərinin effektivliyinin təhlil edilməsi
- Nəzarət mexanizmlərinin dizayn edilməsi və tətbiqində iştirak
- Tətbiq edilmiş nəzarət mexanizmlərinin effektivliyinin monitorinqi
- Aşkar edilmiş nəzarət boşluqları və uyğunsuzluqlar üzrə tövsiyələrin hazırlanması
- Müəyyən edilmiş tədbirlərin icra vəziyyətinin izlənilməsi və nəticələrin monitorinqi
- Aşkarlama imkanlarını artırmaq üçün dələduzluq tendensiyaları və metodologiyaları ilə qaydaların, indikatorların, skorinq modellərin hazırlanmasında iştirak və mütəmadi optimallaşdırmaq
- Dələduzluq halları üzrə araşdırmaların aparılması
- Funksiyanın fəaliyyətinə uyğun siyasət və prosedur, təlimatların hazırlanmasında iştirak və optimallaşdırmaq
- Normativ sənədlərə, daxili qaydalara və prosedurlara əməl olunmasına nəzarət
- İnsidentlərin idarəolunması sistemi çərçivəsində bildirilmiş insidentləri təhlil etmək
- "Root cause" analizlər aparmaqla sistemli problemlərin müəyyən edilməsi
Bizim Təklifimiz
- Peşəkar və dinamik komandada əməkdaşlıq və inkişaf imkanı
- Şəffaf və dəstəkləyici iş mühiti
- Davamlı öyrənmə və peşəkar inkişaf imkanları
- Şirkətin fəaliyyətində real təsir yaratmaq imkanı
- “Great Place To Work” sertifikatlı şirkətdə çalışma imkanı.